一个夜班看更,日子会点过?

767 2020-01-19 509

看更叔叔睇落好hea,但其实佢哋都有一颗寂寞嘅心。

黄伯,62岁。作为一个夜班看更,返工嗰阵仔女未放工;收工嗰阵,仔女又返咗工。

一个夜班看更,日子会点过?

大半世都係做印刷,黄伯两年前退休就改行做保安,同好多退休人士一样,觉得留喺屋企好闷,咪谂住考返个牌做看更,打发下时间啰。

夜班看更工作流程

「我哋睇落可能好得闲,但唔代表做嘢唔认真。」

黄伯唔否认自己会hea,但係佢坚持:应hea时hea,做嘢就唔好揸流摊。呢一点,应该大家都一样。

夜班看更一更,係有十二个钟。平时都係见佢哋睇电话同瞓觉,究竟有咩做呢?

一个夜班看更,日子会点过?

「都有好多嘢做㗎!住客出出入入,见到呀婆、小朋友同埋伤残人士,都会帮一帮佢哋开门。」

「而且仲要巡楼、检查有冇异味、住客有冇锁好门、有冇奇怪人...仲有呀,我哋要处理好多投诉。」

「你知唔知夏天一到,有几多人投诉楼上冷气滴水?」

一个夜班看更,日子会点过?

每晚黄伯都要由23楼行到地下。

「我哋睇落可能好得闲,但唔代表做嘢唔认真。有时夜妈妈见到有生面口嘅人,就算佢哋唔想,我都会叫佢哋登记,再喺闭路电视?住佢有冇去错第二度。所以呢,我哋要一眼关七,除咗要认清咁多位住客,对陌生人仲要有少少警觉性。」

不过,去到深夜,想搵啲嘢做下都冇。

当人人返晒屋企瞓觉,管理处就只有夜班看更一人自得其乐,听下收音机、笃下手机,望住个钟一秒一秒咁过。

夜班看更入门资格

呢份工,讲真都係无咩技能。几乎人人都做得,不过,唔係个个都捱到。

「夜晚人影都冇只,真係要捱到闷先做到。」

一个夜班看更,日子会点过?

无错,天一黑,夜班看更真正嘅技能,就係闷。每日见到家人嘅时间,唔够一个钟。

而每一个住客都赶住搭?返屋企,人来人往,但係无人同自己来往。

电子产品,变成最佳拍档。

其实看更并唔係得新年先咁好口,佢哋一直都係等紧一个机会可以同大家熟络下。

平时夜阑人静时,不妨用等?嘅时间,同佢哋吹返几句水,一齐渡过漫漫长夜!

#毛记专访 #夜班看更